NAXÇIVAN MUXTAR RESPUBLİKASI

PARALİMPİYA FEDERASİYASI

Paralimpiyaçılar arasında atletika yarışı keçirilmişdir

Sağlamlıq imkanları məhdud yeniyetmələr arasında 100 metr məsafəyə qaçış üzrə Şərur rayon birinciliyi keçirilib. Gənclər və idman idarəsi ilə Paralimpiya Federasiyasının rayon bölməsi tərəfindən birgə təşkil olunan yarış sağlamlıq imkanları məhdud yeniyetmələrin reabilitasiyası, onların idmana cəlbi və atletikaya olan maraqlarının yüksəldilməsi məqsədi daşıyıb. Finişə ən birinci çatan Engin Novruzov yarışın qalibi olub. Emil Cabbarov və Cəfər Məmmədov müvafiq olaraq ikinci, üçüncü pillələrdə qərarlaşıblar. Sonda idmançılara diplom və hədiyyələr təqdim olunub.

                               

Paralimpiyaçılarımızın taktiki-texniki hazırlığı artırılır

Naxçıvan idmançıları “qolbol” idman növü üzrə milli komandamızla birgə baş məşqçi Zahir Abdullayevin rəhbərliyi ilə keçirilən təlim-məşq toplanışında iştirak ediblər. Azərbaycan Milli Paralimpiya Komitəsinin dəvəti ilə Balakən şəhərində təşkil olunan toplanışa Naxçıvan Paralimpiya Federasiyasının qolbol bölməsindən məşqçi-müəllim Turan Hüseynov və 3 paralimpiyaçı - Kamal Yusifli, Qəzənfər Zamanov və Samir İmamquliyev qatılıblar. 10 günlük toplanış ərzində “Naxçıvan” və “Bakı” komandaları arasında yoldaşlıq görüşü də təşkil olunub. Oyun muxtar respublika təmsilçisinin qələbəsi ilə yekunlaşıb. Komandamız qələbə münasibətilə, həmçinin toplanışda fəal iştiraka görə təltif edilib.
Qeyd edək ki, paralimpiyaçılarımızdan Qəzənfər Zamanov baş məşqçinin etimadını qazanaraq milli komandamızın heyətinə dəvət olunub.
                

Stolüstü tennis üzrə yoldaşlıq görüşü keçirilib

Sağlamlıq imkanları məhdud 18 yaşadək uşaqlar arasında keçirilən görüş Uşaq Bərpa Mərkəzində reallaşıb. Oyunda “Naxçıvan” və “Sədərək” komandalarından ibarət 8 paralimpiyaçı iştirak edib. Naxçıvan MR Gənclər və İdman Nazirliyi ilə Paralimpiya Federasiyasının birgə təşkil etdiyi yoldaşlıq görüşü sağlamlıq imkanları məhdud uşaqların reabilitasiyası, onların idmana cəlbi və stolüstü tennisə olan maraqlarının yüksəldilməsi məqsədilə keçirilib.
Nəticələrə əsasən, ümumi hesabda 3:1 hesablı üstünlük əldə edən paytaxt təmsilçisi görüşün qalibi olub.
Sonda bütün idmançılara hədiyyələr təqdim olunub.
                 

Qolbol komandası təlim-məşq toplantısında iştirak edir

10-20 iyul tarixlərində Balakən Olimpiya İdman Kompleksində Azərbaycan Respublikası Milli Paralimpiya Komitəsinin təşkilatçılğı ilə Qolbol idman növü üzrə Azərbaycan yığma komandalarının təlim-məşq toplantısı təşkil edilmişdir. Təlim-məşq toplantısında Naxçıvan Muxtar Respublikasının paralimpiyaçları da iştirak edir. Təlim-məşq toplanışında, Naxçıvan Muxtar Respublikasının Paralimpiya Federasiyasının Qolbol bölməsindən, məşqçi-müəllim Turan Hüseynov və 3 paralimpiyaçı Kamal Yusifli, Qəzənfər Zamanov, Samir İmamquliyev iştirak edir.

 

           

Ordubadda boccia birincilyi keçirilib

Sağlamlıq imkanları məhdud uşaqların idmana cəlbi, reabilitasiyası, asudə vaxtlarının səmərəli təşkili və boccia idman növünə marağın artırılması məqsədilə keçirilən yarış Ordubad şəhər İnternat məktəbində reallaşıb. Gənclər və İdman İdarəsi və Naxçıvan Paralimpiya Federasiyasının rayon bölməsi tərəfindən birgə təşkil olunan birincilikdə 12 yeniyetmə qələbə uğrunda mübarizə aparıb. Yekun nəticələrə əsasən, İsmayıllı Mikayıl yarışın qalibi olub. Mehdiyeva Aygül ikinci, Abbasova Lamiyə isə üçüncü olub.

Qalib və fərqlənən idmançılara diplom təqdim edilib.