NAXÇIVAN MUXTAR RESPUBLİKASI
PARALİMPİYA FEDERASİYASI
Culfa rayonunda sağlamlıq imkanları məhdud 18 yaşadək uşaqlar arasında şahmat üzrə rayon birinciliyi keçirilmişdir
Culfa rayon Şahmat məktəbində sağlamlıq imkanları məhdud 18 yaşadək uşaqlar arasında “Şahmat beynin gimnastikasıdır” devizi altında şahmat üzrə rayon birinciliyi keçirilmişdir. Yarışın yekununda Nağıyev Turan Orxan oğlu I yerə, Kazımzadə Taner Əli oğlu II yerə, Həsənli İsmayıl Ümüd oğlu isə III yerə layiq görülmüşdür. Qalib və fərqlənən iştirakçılar təltif edilmişdir.
Culfa rayonunda bədən tərbiyəsi və idmanın sağlamlıq imkanları məhdud şəxslərin reabilitasiyasında roluna dair maarifləndirici tədbir keçirilib
Tədbiri giriş sözü ilə açan Naxçıvan Muxtar Respublikası Gənclər və İdman Nazirliyinin əməkdaşı Samir Oruclu, sağlamlıq imkanları məhdud şəxslərin idmana cəlbi istiqamətində görülən işlərdən, onlara yaradılan şəraitdən danışıb. Daha sonra çıxış edən Paralimpiya Federasiyasının sədr müavini Vüqar Məmmədov bildirib ki, fiziki imkanları məhdud şəxslərin sağlamlıqlarının möhkəmləndirilməsi, onların cəmiyyətə inteqrasiyası baxımından idman mühüm əhəmiyyət daşıyır. Əlilliyi olan şəxslərlə bağlı dövlət siyasətinin əsas prioritetlərindən biri kimi, onların, habelə sağlamlıq imkanları məhdud uşaqların idmana, paralimpiya idman növlərinə cəlbi diqqət mərkəzində saxlanılır. V.Məmmədov bu baxımdan, “2020-2025-ci illər üçün Naxçıvan Muxtar Respublikasında idmanın inkişafına dair Dövlət Proqramı”nın əhəmiyyətini xüsusi qeyd edib. Paralimpiya idman növlərindən biri olan boccia üzrə məşqçi-müəllim Zaur Hüseynov isə çıxışında idmanın müvafiq kateqoriyalı şəxslərin həyatındakı əhəmiyyətindən danışıb, bu sahədəki əldə edilən uğurlardan söz açıb.
Tədbirin davamında, sözügedən mövzuya dair müzakirələr, izahedici söhbətlər aparılıb, iştirakçıları maraqlandıran suallar cavablandırılıb. Sonda isə Təhsil Nazirliyinə məxsus ümumtəhsil müəssisəsində, Culfa rayonunda Paralimpiya Federasiyasının yeni istifadəyə verilmiş bölməsi ilə tanışlıq təşkil olunub, stolüstü tennis bölməsinin imkanları haqqında iştirakçılara ətraflı məlumat verilib. Qeyd edək ki, bu kimi maarifləndirici görüşlərin muxtar respublikanın digər şəhər və rayonlarında da davam etdirilməsi nəzərdə tutulub.
Paralimpiya Federasiyasında ötən ilin yekunlarına və cari il ərzində qarşıda duran vəzifələrə həsr olunmuş iclas keçirilib
Yanvarın 19-da Naxçıvan Muxtar Respublikası Paralimpiya Federasiyasının ötən ilin yekunları və qarşıda duran vəzifələrlə bağlı iclası keçirilib. İclası giriş sözü ilə açan federasiyanın sədri Nicat Babayev bildirib ki, fiziki imkanları məhdud şəxslərin sağlamlıqlarının bərpası, onların cəmiyyətə inteqrasiyası baxımından idman mühüm əhəmiyyət daşıyır. Bu baxımdan müvafiq kateqoriyadan olan şəxslər arasında idmanın reabilitasiyanın bir növü kimi təbliği, onların aktiv şəkildə paralimpiya bölmələrinə cəlb edilməsi daim diqqət mərkəzində saxlanılır. Federasiya sədri qeyd edib ki, Naxçıvan Muxtar Respublikası Ali Məclisi Sədrinin yüksək diqqət və qayğısı sayəsində muxtar respublikamızda da idmançılar, o cümlədən paralimpiyaçılar hərtərəfli qayğı və dəstəklə əhatə olunub. Naxçıvan Muxtar Respublikası Ali Məclisi Sədrinin 14 fevral 2020-ci il tarixli Sərəncamı ilə “2020-2025-ci illər üçün Naxçıvan Muxtar Respublikasında idmanın inkişafına dair Dövlət Proqramı” təsdiq olunub, ötən il ərzində proqramın icrası istiqamətində müvafiq tədbirlər icra edilib. Görülən işlər çərçivəsində, 2021-ci ildə Paralimpiya Federasiyanın Şərur rayonunda ağırlıqqaldırma, Ordubad rayonunda isə tennis bölmələri istifadəyə verilib, mövcud bölmələrin maddi-texniki təchizatı yaxşılaşdırılıb. İyun ayında, Naxçıvan Muxtar Respublikası Paralimpiya Federasiyasının yerli bölmələrinin rəhbərləri və məşqçiləri üçün Azərbaycan Respublikası Milli Paralimpiya Komitəsinin baş katibinin iştirakı ilə onlayn seminar keçirilib, ilin ikinci yarısında isə Azərbaycan Paralimpiya Komitəsinin stolüstü tennis üzrə milli komandasının baş məşqçisinin iştirakı ilə tennis ilə məşğul olan paralimpiyaçılarla təlim təşkil olunub. Ümumilikdə il ərzində, məhdud fiziki imkanlı şəxslərin muxtar respublikanın idman həyatında daha fəal iştirakına və sosial reabilitasiyasına nail olmaq üçün 38 idman yarışı keçirilib ki, bu tədbirlərin də 26-ı bölgələrdə təşkil olunub. İdman tədbirlərində 500-dən artıq fiziki məhdudiyyətli şəxs iştirak edib, yüksək nəticə göstərənlər mükafatlandırılıb. Nazir əlavə edib ki, paralimpiyaçılarımızın respublika və beynəlxalq miqyaslı yarışlarda iştirakına xüsusi önəm verilib, bu məqsədlə daxili yarışlarda uğurlu nəticələr göstərmiş paralimpiyaçıların ölkə səviyyəli yarışlarda iştirakı təmin olunub. Noyabr ayında, VI Paralimpiya İdman Oyunlarının pauerliftinq (ağırlıqqaldırma) idman növü üzrə keçirilən yarışında iki paralimpiyaçımız II və III nəticələr göstərmiş, Boccia üzrə Azərbaycan Çempionatı - “Zəfər Turniri”ndə isə bir təmsilçimiz I, digər təmsilçimiz isə II yerə layiq görülmüşdür. N.Babayev əlavə edib ki, ötən il muxtar respublika paralimpiyaçılarının, Azərbaycan Milli Komandalarının heyətinə cəlbi baxımından da yaddaqalan olub. Qolbol idman növü üzrə milli komandanın təlim-məşq toplanışına Federasiyanın üç paralimpiyaçısı və bir məşqçi-müəllimi cəlb olunub. Eyni zamanda, ötən il ilk dəfə olaraq, Azərbaycan Milli Komandasının heyətində, Avropa çempionatında muxtar respublika paralimpiyaçısı da iştirak edib.
Naxçıvan Muxtar Respublikası Gənclər və İdman naziri Ramil Hacı isə çıxışında vurğulayıb ki, Ali Məclis Sədrinin rəhbərliyi altında muxtar respublikamızda idman və idmançılara dövlət qayğısı ən yüksək səviyyədədir. Naxçıvan idmanının maddi-texniki imkanları sayəsində yeniyetmə və gənclərin bu sahəyə marağı günü-gündən artmaqdadır. Nazirlik idmanın inkişafı və təbliğinə nail olmaq üçün muxtar respublikanın bütün idman federasiyaları ilə qarşılıqlı fəaliyyət göstərir və bu sahədə dövlət siyasətinin tənzimləməsini həyata keçirir. Nazir bildirib ki, ötən il bədən tərbiyəsi və idman sahəsi üzrə 189 tədbir keçirilib, eyni zamanda Naxçıvan idmançıları tərəfindən ölkə səviyyəli yarışlarda 47, beynəlxalq turnirlərdə 14, Avropa çempionatında 1, dünya çempionatlarında isə 20 medal olmaqla ümumilikdə 82 medal qazanıb. Bunlardan 27-si qızıl, 32-si gümüş və 23-ü bürünc medaldır və bu Naxçıvan idmanı tarixində medalların əyarına görə qazanılan ən yüksək göstəricidir. Bütün bunlar Naxçıvanda idman siyasətinin düşünülmüş şəkildə aparılmasının bariz nümunəsidir.
Paralimpiya Federasiyasının sədr müavini Vüqar Məmmədov çıxışında ötən il görülən işlər barədə hesabat xarakterli məlumat verib. İclasda Federasiyanın fəaliyyətində ötən il qeydə alınan nöqsanlar müzakirə edilib, cari il üçün Tədbirlər Planı təsdiq olunub. Tədbirin davamında 2021-ci ildə ölkə səviyyəli yarışlarda uğur qazanan idmançılar mükafatlandırılıblar.
Ordubad rayonunda bədən tərbiyəsi və idmanın sağlamlıq imkanları məhdud şəxslərin reabilitasiyasında roluna dair maarifləndirici tədbir keçirilib
Tədbiri giriş sözü ilə açan Ordubad rayon İcra Hakimiyyəti başçısının müavini Fərqanə Hüseynli, rayon ərazisində yaşayan sağlamlıq imkanları məhdud şəxslərin sosial müdafiəsi və reabilitasiyası istiqamətində görülən işlərdən, onlara göstərilən xidmətlərdən danışıb. Daha sonra çıxış edən Paralimpiya Federasiyasının sədr müavini Vüqar Məmmədov bildirib ki, fiziki imkanları məhdud şəxslərin sağlamlıqlarının möhkəmləndirilməsi, onların cəmiyyətə inteqrasiyası baxımından idman mühüm əhəmiyyət daşıyır. Əlilliyi olan şəxslərlə bağlı dövlət siyasətinin əsas prioritetlərindən biri kimi, onların, habelə sağlamlıq imkanları məhdud uşaqların idmana, paralimpiya idman növlərinə cəlbi diqqət mərkəzində saxlanılır. V.Məmmədov bu baxımdan, “2020-2025-ci illər üçün Naxçıvan Muxtar Respublikasında idmanın inkişafına dair Dövlət Proqramı”nın əhəmiyyətini xüsusi qeyd edib. Paralimpiya idman növlərindən biri olan boccia üzrə məşqçi-müəllim Zaur Hüseynov isə çıxışında idmanın müvafiq kateqoriyalı şəxslərin həyatındakı əhəmiyyətindən danışıb, bu sahədəki əldə edilən uğurlardan söz açıb. Daha sonra istedadlı sağlamlıq imkanları məhdud gənclər adında Nəzrin Hüseynli çıxış edərək, muxtar respublikada müvafiq kateqoriyadan olan şəxslərə yaradılan şəraitin, göstərin qayğının onların inkişafında mühüm rol oynadığını qeyd edib, gənclər adından dövlətimizə minnətdarlığını bildirib.
Tədbirin davamında, sözügedən mövzuya dair müzakirələr, izahedici söhbətlər aparılıb. Sonda isə Ordubad rayonunda Paralimpiya Federasiyasının yeni istifadəyə verilmiş stolüstü tennis bölməsi ilə tanışlıq təşkil olunub, bölmənin imkanları haqqında iştirakçılara ətraflı məlumat verilib. Qeyd edək ki, bu kimi maarifləndirici görüşlərin muxtar respublikanın digər şəhər və rayonlarında da davam etdirilməsi nəzərdə tutulub.
Muxtar respublika paralimpiyaçıları “Boccia” idman növü üzrə Azərbaycan Çempionatı - “Zəfər Turniri”ndə uğurla iştirak ediblər
Reabilitasiyanın bir növü kimi əlilliyi olan şəxslərin sağlamlıqlarının bərpası və möhkəmləndirilməsi, onların cəmiyyətə inteqrasiyası baxımından idman mühüm əhəmiyyət daşıyır. Bu baxımdan, muxtar respublikada məhdud fiziki imkanlı şəxslərin paralimpiya hərəkatına cəlbi, onlara sağlam həyat tərzinin aşılanması istiqamətində ardıcıl tədbirlər icra olunur. Naxçıvan Muxtar Respublikası Paralimpiya Federasiyası tərəfindən məhdud fiziki imkanlı şəxslərin idman həyatına inteqrasiyası, istedadlı idmançıların aşkara çıxarılması üçün davamlı tədbirlər həyata keçirilir, onların iştirakı ilə idmanın müxtəlif növləri üzrə yarışlar və yoldaşlıq görüşləri təşkil edilir. Muxtar respublikada keçirilən tədbirlərlə yanaşı, paralimpiyaçılarımızın ölkə və beynəlxalq miqyaslı yarışlarda iştirakı da diqqət mərkəzində saxlanılır. Azərbaycan Respublikası Milli Paralimpiya Komitəsinin VI Paralimpiya İdman Oyunlarında uğurlu çıxışın ardından, muxtar respublika paralimpiyaçıları bu dəfə “Boccia” idman növü üzrə “SeniCup” Azərbaycan Çempionatı - “Zəfər Turniri”ndə iştirak ediblər.
Milli Paralimpiya Komitəsi, Boccia İdman Federasiyasının təşkilatçılığı ilə “Boccia” idman növü üzrə ölkə çempionatının final mərhələsi Bakı İdman Sarayında baş tutub. Final mərhələsinə qədər idmançılar yarışın seçmə mərhələsində iştirak ediblər. Müxtəlif regionlardan 50-dən çox müvafiq kateqoriyalı idmançının iştirak etdiyi yarışda Naxçıvan təmsilçiləri yüksək nəticələr göstəriblər. Paralimpyaçılarımızdan Qafqaz Hüseynov BC3 kateqoriyası üzrə I yerə, Fuad Qəribov isə BC1 növü üzrə II yerə layiq görülüblər.
Qeyd edək ki, yarışın sonunda qalib olan idmançılar hədiyyə və diplomlarla mükafatlandırılıblar.
Daha çox məqalə...
- Azərbaycan Respublikası Milli Paralimpiya Komitəsinin boccia idman növü üzrə milli komandası Avropa Açıq çempionatında iştirak etmək üçün yola düşüblər
- Muxtar respublika paralimpiyaçıları VI Uşaq Paralimpiya İdman Oyunlarında pauerliftinq (ağırlıqqaldırma) idman növü üzrə keçirilən yarışlarda uğurla iştirak ediblər
- Müharibə iştirakçıları arasında peyntbol üzrə muxtar respublika birinciliyi təşkil olunub
- Kəngərlidə şahmat üzrə rayon birinciliyi keçirilib
