NAXÇIVAN MUXTAR RESPUBLİKASI
PARALİMPİYA FEDERASİYASI
Qazilərimiz stend atıcılığı yarışında
İyunun 24-də Naxçıvan Atıcılıq Mərkəzində müasir Azərbaycan tarixinə qızıl hərflərlə həkk olunan Vətən müharibəsinin qaziləri arasında atıcılığın stend növü üzrə muxtar respublika birinciliyi keçirilib. Silahlı Qüvvələr Gününə həsr olunmuş yarış əlamətdar günün qeyd olunması, müharibə əlillərinin asudə vaxtının səmərəli təşkili və atıcılıq idman növlərinin təbliğ olunması məqsədilə təşkil olunub.
Hər iştirakçıya atış üçün 10 mərmi verilib. Atışlar iki mərhələdə icra olunub və nəticələr 5 fərqli rakursdan atılan uçan hədəflərin vurulmasına görə hesablanıb. Qələbə uğrundakı maraqlı mübarizə Cövdət Əliyevin üstünlüyü ilə tamamlanıb. Əli Bayramov ikinci, Əli Əlisoy isə üçüncü olub.
Mükafatlandırma mərasimində Atıcılıq Federasiyasının sədri Səhət Həbibbəyli, Paralimpiya Federasiyasının sədri Nicat Babayev və gənclər və idman nazirinin müavini Məcid Seyidov çıxış edərək muxtar respublikada müharibə əlilləri, şəhid ailələri, o cümlədən sağlamlıq imkanları məhdud şəxslərə göstərilən yüksək dövlət qayğısı barədə danışıb, gənc nəslin vətənpərvərlik ruhunda tərbiyəsi və sağlamlıq imkanları məhdud şəxslərin idmana cəlbi istiqamətində atılan addımların davamlı xarakter aldığını diqqətə çatdırıblar. Qeyd olunub ki, Ali Baş Komandanın rəhbərliyi ilə Azərbaycan Ordusunun 44 günlük Vətən müharibəsində qazandığı şanlı qələbə daim qürurla xatırlanır, şəhidlərimizin xatirəsi əziz tutulur. Müharibə nəticəsində sağlamlıq imkanlarından məhrum olan hərbçilərimizin reabilitasiyası diqqətdə saxlanılır, sosial qayğılarının həlli istiqamətində əməli tədbirlər görülür.
Göstərilən diqqət və qayğıya görə Ali Məclis Sədrinə minnətdarlıq ifadə olunub. Çıxış edənlər qazilərin Vətənimizin bütövlüyü uğrunda göstərdikləri şücaəti yüksək qiymətləndirib, yarışda iştirak edən hər bir iştirakçıya gələcək həyat yolunda uğurlar arzulayıblar.
Qeyd edək ki, birincilik Gənclər və İdman Nazirliyi, Atıcılıq və Paralimpiya federasiyalarının birgə təşkilatçılığı ilə reallaşıb.
22.06.2022...Bədən tərbiyəsi və idmanın sağlamlıq imkanları məhdud şəxslərin reabilitasiyasında roluna dair növbəti maarifləndirici tədbir keçirilib
Tədbiri giriş sözü ilə açan Naxçıvan Muxtar Respublikası Gənclər və İdman Nazirliyinin əməkdaşı Tural İsmayılov, muxtar respublikada sağlamlıq imkanları məhdud şəxslərin idmana cəlbi istiqamətində görülən işlərdən və yaradılan şəraitdən danışıb, bu sahədə həyata keçirilən tədbirlərin əhəmiyyətini qeyd edib.
Paralimpiya Federasiyasının sədr müavini Vüqar Məmmədov isə çıxışında bildirib ki, fiziki imkanları məhdud şəxslərin sağlamlıqlarının möhkəmləndirilməsi, onların cəmiyyətə inteqrasiyası baxımından idman mühüm əhəmiyyət daşıyır. Əlilliyi olan şəxslərlə bağlı dövlət siyasətinin əsas prioritetlərindən biri kimi, onların, habelə sağlamlıq imkanları məhdud uşaqların idmana, paralimpiya idman növlərinə cəlbi diqqət mərkəzində saxlanılır. V.Məmmədov bu baxımdan, “2020-2025-ci illər üçün Naxçıvan Muxtar Respublikasında idmanın inkişafına dair Dövlət Proqramı”nın əhəmiyyətini xüsusi qeyd edib.
Tədbirin davamında, Üzgüçülük idman növü üzrə məşqçi-müəllimlərin fikirləri dinlənilib, bu idman növü haqqında iştirakçılara zəruri məlumatlar verilib, onları maraqlandıran suallar cavablandırılıb. Həmçinin, sözügedən mövzuya dair slaydlar əsasında müzakirələr və izahedici söhbətlər aparılıb.
Qeyd edək ki, daha sonra görüş iştirakçıları Naxçıvan Muxtar Respublikası Əmək və Əhalinin Sosial Müdafiəsi Nazirliyinin Uşaq Bərpa Mərkəzinin, müvafiq kateqoriyadan olan uşaqlar üçün nəzərdə tutulmuş üzgüçülük hovuzunun imkanları ilə tanış olub, istifadə şərtləri haqqında məlumatlandırılıblar.
Sağlamlıq imkanları məhdud uşaqlar arasında stolüstü tennis üzrə yoldaşlıq görüşü keçirilib
Naxçıvan Muxtar Respublikası Paralimpiya Federasiyasının təşkilatçılığı ilə iyun ayının 16-da Culfa və Ordubad rayonundan olan 18 yaşadək sağlamlıq imkanları məhdud uşaqlar arasında stolüstü tennis üzrə yoldaşlıq görüşü keçirilib. Qeyd edək ki, sözügedən idman növü üzrə son dövrlərdə Federasiyanın yeni bölmələri yaradılıb və stolüstü tennisə müvafiq kateqoriyadan olan gənclər arasında maraq günü-gündən artmaqdadır.
Muxtar respublika paralimpiyaçısı Dünya kuboku uğrunda yarışda iştirak edib
Azərbaycan Respublikası Milli Paralimpiya Komitəsinin güllə atıcılığı idman növü üzrə milli komandası 04-13 iyun 2022-ci il tarixlərində Fransanın Şatoru şəhərində keçirilən Dünya kubokunda çıxışını başa vurub.
Qeyd edək ki, bu mötəbər turnirdə, milli komandamızın heyətində Naxçıvan paralimpiyaçısı Hüseyn Həsənov da iştirak edib.
Sağlamlıq imkanları məhdud şahmatçılar arasında yarış keçirilmişdir.
İyun ayının 8-də Şərur rayon Uşaq-Gənclər Şahmat məktəbində Naxçıvan Muxtar Respublikası Paralimpiya Federasiyasının Şərur rayon bölməsinin və Şərur rayon Uşaq Gənclər Şahmat Məktəbinin birgə təşkilatçılığı ilə "15 iyun - Milli Qurtuluş günü"nə həsr olunmuş sağlamlıq imkanları məhdud şahmatçılar arasında yarış keçirilmişdir. Müsabiqənin yekun nəticələrinə əsasən, 1- ci yerin qalibi Məmmədli Qalib Murtəza oğlu olmuşdur. Məmmədli Nihad Seymur oğlu II yerə,Cabbarov Emil Qurban oğlu isə III yerə layiq görülmüşdür.Qaliblər təşkilatçılar tərəfinən diplom və qiymətli hədiyyələrlə təltif edilmişdir
Daha çox məqalə...
- 20.05.2022 Muxtar respublika paralimpiyaçısı Qolbol üzrə Azərbaycan milli komandasının heyətində təlim-məşq toplanışında iştirak edir.
- May ayının 18-də Şahbuz rayonunda bədən tərbiyəsi və idmanın sağlamlıq imkanları məhdud şəxslərin reabilitasiyasında roluna dair maarifləndirici tədbir keçirilib
- Paralimpiyaçılar arasında “Heydər Əliyev kuboku” uğrunda Naxçıvan Muxtar Respublika turniri keçirilib
- Azərbaycan Milli Paralimpiya Komitəsinin boccia üzrə milli komandasının baş məşqçisinin muxtar respublikaya səfəri təşkil olunub
