NAXÇIVAN MUXTAR RESPUBLİKASI

23 oktyabr 2019-cu il tarixdə Naxçıvan Muxtar Respublikası Gənclər və İdman Nazirliyi və Naxçıvan Muxtar Respublikası Paralimpiya Federasiyasının birgə təşkilatçılığı ilə İlham Əliyev adına Olimpiya İdman Kompleksində fiziki imkanları məhdud uşaqlar arasında boccia idman növü üzrə muxtar respublika birinciliyi keçirilmişdir. Birinciliyin keçirilməsində məqsəd sağlamlıq imkanları məhdud uaqlar arasında bədən tərbiyəsi və idmanın kütləviliyinə nail olmaq, onların sağlam cəmiyyətə inteqrasiyası olmuşdur. Birinciliyin açılışında Naxçıvan Muxtar Respublikası Gənclər və İdman Nazirliyinin Kütləvi bədən tərbiyəsi və idman şöbəsinin müdiri Taleh İbrahimov və Naxçıvan Muxtar Respublikası Paralimpiya Federasiyasının sədr müavini Vüqar Məmmədov çıxış edərək yarışın mahiyyətindən danışmış və yarış iştirakçılarına uğurlar arzulamışlar. Yarışda 20 fiziki imkanları məhdud şəxs iştirak etmişdir. Yekun nəticələrə əsasən Mürsəlli Cəlal I, Ağazadə Azadə II, Tağıyev Eldar III yerlərin sahibi olmuşlar. Qaliblər təşkilatçıların diplomları ilə, digər iştiakçılar isə fəxri fərmanlarla təltif olunmuşlar.