NAXÇIVAN MUXTAR RESPUBLİKASI

3 mart 2018-ci il tarixdə Naxçıvan şəhərində yerləşən İlham Əliyev adına Olimpiya İdman Kompleksində Naxçıvan MR Gənclər və İdman Nazirliyi və Paralimpiya Federasiyasının birgə təşkilatçılığı ilə paralimpiyaçılar arasında "5 mart - Bədən Tərbiyəsi və İdman Günü"nə həsr edilmiş voleybol turniri keçirilmişdir.

Muxtar respublikanın şəhər və rayonlarını təmsil edən 7 komandanın mübarizə apardığı yarış olimpiya sistemi ilə keçirilmiş və finalda Şahbuz və Sədərək təmsilçiləri üz-üzə gəlmişdir. Şahbuz kollektivi rəqibini 3:0 hesab ilə məğlub edərək, turnirin qalibi adını qazanmışdır. Üçüncülük uğrunda keçirilən oyunda isə Babək komandası Kəngərli paralimpiyaçılarını 3:0 məğlub edərək, yarışı 3-cü pillədə başa vurmuşdur.

Maraqlı və gərgin idman mübarizəsi şəraitində keçən turnirin sonunda, ilk üç yeri tutmuş komanda üzvlərinə təşkilatçılar tərəfindən qiymətli hədiyyələr təqdim olunmuşdur.